رواية ملاذي الأمن البارت الثاني بقلم ايمان الرشيد

- خطوبته بكره. 
= مُش هقدر اكون موجوده يا حسام. 
- بس انتِ بالنسباله حاجه كبيره ، لو محضرتيش هيزعل منك.
= معتقدش انه شايفني ، ميعرفش اني عايشه اصلا.
- كُل العيله هتحضر واكيد هيلاحظوا غيابك.  
اتنهدت وانا بحاول اكون ثابته لكن اتكلمت بنبره خرجت مهتزه: 
= هحاول احضر واكون موجوده. 
بصلي بحُزن ظهر علي ملامح وشه: 
- متزعليش ، بُكره هيعرف قيمتك. 
اتنهدت بهدوء وانا بهز راسي بثبات: 
= قولتلك اخوك مُش شايفني معتبرني اخته بس.
ابتسم ابتسامه جانبيه واتكلم بخبث: 

- سيبي دي عليا ، اصلا البنت اللي هيخطبها دي حربايه. 
بصتله بعدم فهم: 
= انتَ هتعمل اي يا حسام. 
- كُل خير يا شعنونه.

اتنهدت وروحت نمت علي سريري بعد كلامي معاه ، مفتحه عيني ، دموعي نازله في صمت ، بحاول امنع صوت شهقاتي، خطُوبه حب عمري وطفولتي هيخطب غيري مُش قادره استوعب ، كميه ۏجع رهيب في قلبي فضلت علي الحال
ده مصدومه مُش قادره اصدق لحد ما روحت في النوم وصحيت علي صوت جدي وهو بيصحيني:

- عيوش ؟!. 
قومت بصعوبه وانا بفُرك في عيني: 
= نعم يا جدو . 
- قومي بقي كفايه نوم يا كسوله ، قومي افطري معايا. 

ابتسمت بخفه: 
= مليش نفس يا جدو. 
اتكلم بحزن مصتنع: 
- بقي كده هتسيبني افطر لوحدي اهون عليكي ؟!. 
هزيت راسي بالنفي: 
= لا طبعا متهونش عليا يا اغلي عبود في الدنيا. 
ضحك وخدني: 
- يبقي هتقومي تفطري معايا وتونسيني.

قومت اتحركت بهدوء كُنت ماشيه بلا روح ، دايما جدي هو اللي مصبرني علي الدنيا دي عُمره ما عاملني معامله وحشه ولا رفضلي طلب ، دايما كُل طلباتي مُجابه:

- اي ده يا عبود انا هتعود علي الدلع ده كده. 
اتكلم بابتسامه وهو بيمد ايده يأكلني: 

= طول ما انتِ معايا تدلعي براحتك. 
ابتسمت وانا بتناولها مُنه بهدوء: 
- انا كده هعيش طول عُمري معاك. 
ضحك بهدوء: 
= لا انا عاوزك تتجوزي بقي. 
- اخص عليك عاوز تخلص مني.
بصلي بابتسامه: 
= لا طبعا انا لو عليا عاوزك معايا العمر كُله. 
- خلاص اطمن انا قاعده معاك علطول.

/بلعت الغصه اللي جوايا وانا باكُل ، كُنت باكل ڠصب عني وحاسه الاكل بيقف في زوري بيتبلع بالعافيه عشان ميلاحظش حزني ، لاحظ شرودي واتكلم بحنيه:

- سرحانه في اي يا حبيبه جدو. 
اتنهدت بابتسامه بتلمع بالدموع: 

= مُش سرحانه ياجدو. 
اتنهد بهدوء وهو بيبصلي : 
- عليا يا بكاشه ، بتفكري في ياسين صح ؟!. 
حاولت اتوهه في الموضوع واتكلمت بتلعثم : 
= اا.. انا.. لا طبعا بعدين هو هيخطب هفكر فيه ازاي ؟!. 
طبطب عليا بهدوء: 
- عارف انك بتحبيه بس هو بيغلط غلطه عمره الوقتي. 
حاولت اقفل الموضوع واتكلمت بضحكه متصنعه: 
= يالا يا عم نقوم نجهز زوزو سبقتنا. 
ضحك بملامح حزينه: 
- اختاريلي بدله ، عشان اروح اشوف رزقي. 
ضحكت علي كلامه: 
= لو زوزو سمعتك هتعمل مننا حواوشي.

ضحكنا بيأس ، اتحركت انا كمان عشان اجهز ، لبست فستان بيبي بلو وطرحه بيج، وهيلز اسود ، وحطيت ميكب خفيف يكاد يكون باين:

اتكلم جدو بانبهار: 
- انتِ العروسه والله ، اي الجمال والحلاوه دي. 
ابتسمت بخجل وانا ايده: 
= والله انتَ اللي عسل يا عبود.
- لا كده هتغر علي فكره انا لسه في عز شبابي.
اتكلمت بضحكه:
= امال ربنا يطول في عمرك يا حبيبي.

مشيت مع جدو وانا بقدم رجل وبأخر رجل ، اتكلمت مع جدو وانا بضحك معاه بحاول اشغل نفسي ودماغي عشان مفكرش واسيب نفسي لدماغي حاولت اتمالك وامثل القوه فوقت من شرودي لما وصلنا قرب مننا حسام:

اتكلم وهو بيصفر: 
- مشوفتش قمر وجمال غيرك طب والله طلعتي اجمل مليون مره من الحربايه مع انها حاطه كيلو ميكب بس زي الزفت. 
نغزته في كتفه: 
= صوتك المعازيم يقولو اي. 
- يقولوا اللي يقولوه انا اصلا مُش راضي عنها وعن الخطوبه دي كُلها. 
ضحكت بيأس مدلي ايده :
= مُش هدخل غير لما نُدخل زي العروسه والعريس. 
ابتسمت وانا بمدله ايدي فتابع كلامه بضحكه: 
- يا دبله الخطوبه عُقبالنا كُلنا.

/دخلنا وراهم ، شوفته وهو لابس البدله كان شكله جميل ، بس كان ناقص حاجه واحده بس ان انا اكون جنبه انا انانيه ايوه ، شوفتها جنبه، كانوا مبسوطين وكُله بيصورهم ، الڼار كانت بتاكل في قلبي ، كُنت بضحك بالعافيه ، جت لحظه تلبيس الدبل ، غمضت عيني بارهاق ، كُله بيسقف ومبسوط خرجت بسرعه بره بحاول انظم انفاسي دموعي نزلت 
حاولت اداريها لكن مقدرتش اكون ثابته اكتر من كده 
عيطت پقهر لقيت ايد بتطبطب عليا اتلفت عشان 
اشوف مين كان جدي مسحت دموعي بسرعه:

اتكلم بنبره متحشرجه: 
- كبرتي وبتداري حُزنك مني يا عائشه ده انا اللي مربيكي مُش هعرف بنتي. 
اتنهدت وانا بحاول اداري ۏجعي لكن فشلت اتكلمت بشحتفه: 
= انا موجوعه اوي يا جدو قلبي محروق. 
اتنهد بدموع وهو بياخدني: 
- هيندم والله بكره هيفوق احنا سايبنه يعرف غلطته بنفسه. 
اتكلمت بدموع: 
= انا مقهوره ، لي كُل حاجه بحبها بتروح مني ، بابا وماما سابوني وانا صغيره وراحوا مني في غمضه عين ، هيبص لواحده يتيمه هو اصلا مُش شايفني. 
مسح دموعي برفق: 
- هشش انتِ بتقولي اي ، اي الكلام ده ، انتِ مش يتيمه، انا معاكي انا وجدتك احنا اهلك ، وبعدين هما شايفينك من فوق وزمانهم زعلانين منك . 
اتنهدت بعياط وانا : 
= انا موجوعه اوي.
- عائشه ، عائشه حبيبتي ردي عليا ، تابع كلامه بزعيق: 
= حسااام. 
- في اي جدو بتزعق لي. 
= حسام اتصل بالدكُتور بسرعه.

يتبع... مُش هكمل غير لو جاب تفاعل، قولولي رأيكم وهل اكمله ولا لا يا سكاكر؟!.♥
غيرتلكم الاسماء اهو لان كتير طلبوا اغيرهم.

بقلمي ايمان الرشيدpart2

- حسام اتصل بالدكتور بسُرعه. 
= عائشه مالها يا جُدي حصل اي. 
- مُش وقته يا حسام اتصل بالدكتور بسُرعه.

الدكتور وصل ، كانوا كلهم متجمعين حواليا منهم اللي كان قلقان عليا ومنهم اللي كان عادي وشمتان.

= خير يا دُكتور طمنا عليها ؟!. 
- عندها اڼهيار عصبي ياريت تبعدوها عن اي حاجة ممكن تأثر علي نفسيتها ، انا علقتلها محلول ، ودي شويه ادويه وهتبقي بخير ان شاء الله عن اذنكم.

فوقت وكُنت حاسه بتقل وصداع رهيب في دماغي ، فتحت عيني بصعوبه وابتدت الرؤيه توضح ، بصتلهم باستغراب فاتكلم جدي بهدوء:

- عائشه حبيبتي انتِ كويسه. 
اتنهدت وانا بهز راسي بهدوء وبفتكر اللي حصل: 
= كويسه يا جدو. 
- انتِ وقفتي قلبي عليكِ كده يا عائشه. 
بهدوء: 
= بعيد الشړ عنك يا جدو انا مليش غيرك. 
 صاحبتي ندي واتكلمت بدموع: 
- انتِ مهمله ومبتهتميش بنفسك. 
اتنهدت بابتسامه: 
= انا كويسه والله يا جماعه مكنش اغماء يعني. 
اتكلم حسام بضحكه خبيثه: 
- يا سواد السواد يا بابا رشدي انتِ كويسه يا شعنونه. 
بصتله باستغراب: 
= والله كويسه. 
تابع كلامه بخبث: 
- يا قلبي يا بنتي مكنش يومك يا حبيبتي. 
اتكلمت باستغراب: 
= علي فكره انا عايشه قدامك اهو يا حسام. 
- هنقول اي بس ، ناس لسه مدخلتش حياتنا وجابت الهم والسواد من اول يوم. 
حاولت اداري ضحكتي بصله ياسين واتكلم بهدوء: 
= قصدك اي يا حسام. 
- قصدي اللي اقصده بقي يا اخويا اللي علي راسه بطحه بقي بياخد الكلام علي نفسه.

اتنهد ياسين ووجه بصُره ليا واتكلم بقلق واضح: 
- انتِ كويسه ؟!. 
هزيت راسي بهدوء: 
= انتَ سيبت خطوبتك لي ، انا اسفه يا جماعه كُل ده حصل بسببي انا؟!.
اتكلمت خطيبته پحده: 
- وانتِ ما شاء الله مجاش يغمي عليكِ غير النهارده. 
اتكلم پحده وهو بيبصلها: 
= مليكه اياكِ تتكلمي مع عائشه كده تاني سامعه انتِ متعرفيش عائشه غاليه عندي ازاي واللي يزعلها يزعلني. 
تابع كلامه بحنيه: 
- انا اسيب الدُنيا كلها بحالها عشانك يا عائشه انتِ اختي.

/بلعت الغصه اللي جوايا بسبب كلامه ، نزلت بصري من عليه بعد ما كُنت بتأمله بالبدله ، كُنت بضغط علي نفسي عشان مضعفش تاني قاطع الكلام حسام پحده:

- وانا بقُول الواد حصله اي…ياريتك فضلت ساكت ومتكلمتش
اتكلم جدي بهدوء: 
= يالا يا جماعه عائشه بقت كويسه روحوا واحنا هنسبقكم.

بعد ما كُله مشي ، فضل معايا جدي وحسام وندي ، كانوا بيبصولي بحزن وشفقه ، عيطت پقهر بعد ما خرج 
مني كانوا عارفين ان الكلام مُش هيعمل حاجه في وضع 
زي ده بس فضلوا جانبي يشاركوني حزني:

- انا شكلي حبيت من طرف واحد ، انتوا عارفين الحب اللي من طرف واحد ده بيوجع اوي بيكسر القلب  !!. 
اتنهد جدي بۏجع وهو بيطبطب عليا: 
= الواد ياسين علي قد ما هو طيب ، طيبته عمياه ، مُش عاوز يعترف ولا يصارح نفسه بالحقيقه ، هو شايفك اخته بس من جواه انا متاكد عكس كده. 
- وانتَ اي ضمنك يا جدو انه جواه عكس كده. 
= تصرفاته وافعاله دي مُش علي اخت. 
- طب خطب غيري لي ؟!. 
= عشان عبيط. 
اتدخلت ندي وقالت: 
- تؤ هيا اللي عبيطه ؟؟. 
اتكلم حسام باستغراب: 
= عبيطه في اي. 
- كانت تقدر تعترف بمشاعرها ، البنت اللي خاطبها دي مُش مستريحالها لله في لله كده. 
ابتسم حسام بخبث: 
= انتِ بيرفيكت انتِ هتشتغلي معايا. 
بصتله ندي بعدم فهم: 
- اشتغل اي. 
اتكلم بغمزه: 
= هقولك بعدين يا قمر. 
بصتله باستحقار: 
- انتَ متاكد انك اخو ياسين اصل التربيه معدتش عليك ؟!. 
اتكلم بضحكه: 
= مهو لازم حد يخلف الطريق.

حاولت اغير الموضوع ، ومسحت دموعي بكفوف ايدي ، تابعت كلامي بابتسامه:

- يا جماعه قوموا نلحق الجاتوه. 
اتكلم حسام وندي وهما بيجروا: 
= اللي يلحق.

ضحكت بيأس وانا بمشي مع جدي ، كان بيحاول يخرجني من المود بأي طريقه قاطع كلامنا حسام وهو :

- استأذن منك يا جدي اخد منك المُزه ثانيه. 
= انتَ فعلا مشوفتش تربيه. 
- حبيبي يا جدو هاخد شعنونه ثانيه وارجعالك.

- انا مستحيل اعمل كده انتوا بتقولوا اي. 
ايدت ندي كلامه: 
= انتِ حره احنا عاوزين مصلحتك الحربايه هتاخده. 
بصتلهم بضيق لكن كلامهم اقنعني من مليكه: 
- اووبس سوري يا مليكه مكُنتش اقصد. 
اتكلمت بزعيق: 
= انتِ متخلفه ما تفتحي يا عاميه. 
اتدخل ياسين بزعيق: 
- قالتلك مكنش قصدها اكيد مُش هتعمل كده بقصدها يا مليكه وقولتلك مليون مره متزعقيش لعائشه ولا تكلميها 
كده فاهمه. 
بصتله بحزن مصتنع: 
= انا اسفه انا ماشيه. 
مسك ايدي : 
- لا طبعا مُش هتمشي مليكه بس مرهقه من اليوم متزعليش من كلامها.

في الجانب الاخر: 
- شكلها هتولع. 
اتكلمت ندي بابتسامه: 
= صاحبتي تربيتي دي لازم تاخد حقها. 
- واضح فعلا انك ڼار عائشه هاديه. 
اتكلمت پغضب: 
= بقولك اي اقعد ساكت بدل ما اقلبها خناق عليك. 
- وعلي اي بس يكون في علمك بمۏت في الدماغ اللي زيك. 
= ساڤل. 
- هاتي الجاتوه بتاعك بدلي كده خليكي كريمه. 
= بتاعتك كريمه. 
- هاتي الشكولاته وخدي الكريمه. 
= ركز بقي في اللي بيحصل واسكت.

بصتلنا بعصبيه وراحت التواليت تعدل فستانها ، اتكلم ياسين بابتسامه وهو بيمدلي ايده بقطعه جاتوه:

- خدي دي من ايدي. 
ابتسمت بحب وانا باخدها منه وببادله بقطعه انا كمان لكن قاطعت كلامنا مليكه بزعيق وهيا من ايدي : 
= انتِ خطافه رجاله  !!

بصتلها پصدمه من صوتها العالي واللي لفت كُل الموجودين ، قررت اخرج من صمتي واتكلمت پحده:

- احترمي نفسك قولنالك احنا مُجرد اخوات. 
= وهما الاخوات بيأكلوا بعض كده. 
- مُش ذنبي ان عندك نقص.

/سيبتهم وجريت خرجت بدموع ، مكنتش شايفه
قدامي  مكُنتش حاسه بحد ولا كلامهم ولا صوتهم ،
كُل اللي كُنت بفكر فيه كرامتي ، لو الحُب هيهين 
كرامتي ف مُش عاوزاه فوقت من شرودي وانفاسي
العاليه لقتني علي طريق العربيات السريع مكُنتش
عارفه اتحرك ولا اعمل حاجه عقلي كان واقف 
عن التفكير من الخضه غمضت عيني بسرعه لكن 
حسيت بحركه ايد بتسحبني ناحيتها بسرعه فتحت
عيني اللي كانت مليانه دموع لكن كان شخص هيأته 
مكنتش غريبه عليا :

- انتِ مجنونه كُنتِ هترمي نفسك قدام العربيات. 
= انتَ بتقول اي يا جدع انتَ. 
- ايوه كنتِ عاوزه. 
= اڼتحر انتَ شايف فيلم وجاي تمثله ؟؟!. 
اتكلم پحده: 
- قبل ما فكري في اهلك ، وفي ربنا ، اي كان السبب متعمليش كده ، فين اهلك عشان اوديكي ليهم  . 
اتكلمت بعصبيه: 
= انتَ فاكرني عيله صغيره وبعدين مكنتش هتنيل ، مشيت وسيبته بضيق كانت نقصاك انتَ كمان . 
بصلي بعصبيه ومشي ورايا اتلفت وتابعت كلامي بعصبيه: 
- انتَ ماشي ورايا لي انتَ عاوز مني اي انتَ شكلك حر.امي؟!. 
= مش هسيبك تمشي لوحدك افرضي رميتي نفسك تاني. 
- قولتلك مكُنتش هرمي نفسي. 
بصلي بضيق: 
= امال تسمي ده اي. 
- وانتَ مالك يا اخي. 
= انا هقول لاهلك وسعي كده. 
- انتَ مين اصلا وبعدين انتَ فاهم الموضوع غلط ؟!. 
بصلي بشك: 
= لولا اني لحقتك كنتِ لقدر الله مۏتي. 
- كانت ليله سوده يوم ما شوفتك انتَ هتذلني.

قاطع خناقنا حسام وجدي وندي وهما مننا ، كان باين علي ملامحهم الخۏف والقلق اتكلم جدي بتوتر:

- عائشه انتِ عاوزه تغلبيني معاكِ يا بنتي مبقاش فيا صحه. 
= انا اسفه يا جدو. 
اتدخل واتكلم بعصبيه: 
- طلعت دي كانت هتنتحر لولا ستر ربنا واني لحقتها ؟!.

بصولي كلهم پصدمه ، فتابعت كلامي بعصبيه:

- انتَ يا اخي قولتلك مكُنتش هتنيل انتَ مصمم لي وبعدين انتَ مين اصلا. 
اتكلم حسام بابتسامه وهو بيبادله : 
= ده رسلان يا عائشه ، كان بقاله فتره غايب ولسه راجع ، فكراه كُنا بنلعب معاه سوا واحنا صغيرين.

رجعت بذكرياتي لورا افتكرته فعلا شكله اتغير كتير عن زمان ملامحه ، كُل حاجه فيه ، حتي صوته ، او يمكن لان 
انا مكُنتش بخرج زي الاول ف مُش فكراه ، كُنت اغلب وقتي قاعده في اوضتي لوحدي ، او يمكن لان انا اذيت نفسي بحُب وتخيلات بعدتني عن الكل ، الحُب وحش بس مُش فكل الحالات لكن فالحالات اللي بتخلينا نبعد عن الناس اللي بنحبهم وساعتها مُش هنقدر نعوض الوقت اللي بيعدي من عمرنا ساعتها هنندم علي كُل لحظه عدت ، لما نإذي نفسنا بنفسنا ، ونهين كرامتنا عشان ناس مُش حاسه بينا ، ساعتها لازم نشيل الحب ده من قلبنا حتي لو هنتعذب ميجراش حاجه ، وحتي لو فاق متاخر وندم ساعتها الندم مُش هيفيد بحاجه فوقت من شرودي وصمتي علي صډمته هو الاخر:

- انتِ عائشه ؟!. 
ابتسمت وانا بمد ايدي اصافحه: 
= نورت يا رسلان ، ياريت كُنا اتقابلنا في ظروف احسن من كده. 
مد ايده هو الاخر بابتسامه جامده: 
- لو مكنتش لحقتك مكنتش عارف اي هيحصل. 
زفرت بضيق وانا بضړب علي دماغي: 
= يادي النيله انا ماشيه. 
- حد يلحقها لتعمل في نفسها حاجه.

بعد ما روحنا البيت بتعب ، قعدت علي اقرب كنبه ، وكذلك هما حواليا كانوا هيفتحوا الموضوع لكن قاطعتهم پحده :

- ياسين صفحته اتقفلت محدش يفتحها. 
بصولي بحزن فتابعت ندي كلام: 
= انتِ اللي بتقولي كده. 
اتنهدت بهدوء وانا ببصلهم بجمود: 
- ايوه انا مُش ههين كرامتي ولا اجرح نفسي تاني. 
اتكلم حسام بياس: 
= بس لازم تحاولي تاني. 
بصتلهم بهدوء اتكلمت بنبره مرتجفه: 
- لا مُش هحاول كفايه محاولات في الفاضي وقله قيمه ، لي انا الطرف اللي لازم  يحاول و يحارب ، لي لازم انا اللي واسناني وافضل متمسكه لوحدي انا الوقتي هسيب كل حاجه ، ملعۏن الحُب اللي يعمل كده ، انتَ اكتر واحد عارف يا حسام انا حاولت قد اي وكتير لحد اخر لحظه لكن انا مبقتش عاوزه اخوك وحتي لو فاق بعدين انا مبقتش عاوزاه. 
اتكلم جدي وهو بييأيد رايي: 
= عائشه كُل كلامها صح ، عائشه تستاهل حد يحبها ويحارب عشانها ويصونها ويشيلها من علي الارض شيل هيا مُش قليله. 
بصتلهم بامتنان: 
- شكُرا ليكم وانكم مقدرين موقفي ، هدخل انام عشان اليوم كان مرهق.

كُنت موجوعه ، اكيد الحُب مُش هيتنسي في يوم وليله، لازم اتوجع شويه ، واتعذب واتالم ، بعدين هبقي كويسه، لكن عايشين مموتناش ولا حاجه من البعد.

عدت الايام وانا بتجنب اشوف ياسين ، او اظهر في اي مكان هو موجود فيه ، او اتعامل معاه ، قررت اخرج افك عن نفسي شويه بدل العُزله اللي انا فيها:

- عبود انا خارجه. 
= علي فين كده يا عيوش ؟!. 
- علي البحر هتمشي شويه وهرجع اجهز قعدتنا سوا ، ونتصل بالواد حسام والبت ندي. 
اتنهد بابتسامه: 
= يارب اشوفك علطول مبسوطه كده.

وبصراحه انا عندي جد حنين وبيعاملني معامله الفراشات وجوده بيطمني وبيحسسني بالامان ، اتنهدت ومشيت قعدت علي جدار الحيطه من فوق وانا ببص علي منظر البحر وانا بشرب قهوتي شهقت بخضه لما لقيت حد :

- انتِ ازاي يسيبوكي تُخرجي لوحدك ؟!. 
= انتَ انسان مچنون مُستحيل تكون عاقل. 
- كنتِ تاني انتِ معندكيش عقل.

يتبع...تفاعل ورايكم فضلا خالفت كُل توقعاتكم مُش كده
عاوزاكم تنبهروا لازم تنبهروا لسه اللي جاي هبهركم اكتر، نفسي ارد عليكم كلكم بجد بس العدد كبير بس بحبكم يا سكاكر.

#بقلمي_ايمان_الرشيد
#ملاذي الآمن.