رواية تاني حب (كاملة حتي- الفصل الاخير)بقلم ملك ابراهيم
في مواضيع مختلفه وفريدة بعفويه كانت بتشاركهم الحديث وطريقة كلامها وضحكها كانت بتجذبهم انهم يتكلموا معاها اكتر وفريدة كانت فرحانه وسطهم واكتر حاجة فرحتها لما هنادي قعدتها جنبها قدام الفرن وبدأت تعلمها ازاي تخبز العيش وفريدة خبزت اول رغيف عيش في حياتها وقامت تتنطت بسعادة قدامهم وهما فرحانين معاها والحاجة كانت بتبصلها بحنان ام وصعبة عليها فريدة ان هي يتيمة الام وحست انها محتاجة ام في حياتها تعلمها كتير اوي.
ردت الحاجة احنا بنخبز العيش بتاعنا صابح كل يوم.
فريدة بحماس بجد يعني ممكن لو قعدت هنا لحد بكره تخلوني اعمل معاكم تاني.. انا بصراحة نفسي اوي ارفع الفطير لفوووق ولما انزله يكبر زي ما طنط الحاجة بتعمله كده.
ابتسمت فريدة بسعادة والحاجة قالتلها اطلعي انتي يا فريدة غيري عبايتك دي وانزلي عشان نفطر مع بعض.
بصت فريدة للعبايه پصدمة وبصت ل هنادي بحزن وقالتلها انا اسفه اوي يا هنادي بهدلت العبايه بتاعك.
هنادي بابتسامة فداكي مليون عبايه يا ست البنات.. تعالي معايا اجبلك كام عبايه من عندي تلبسي فيهم برحتك.
ردت هنادي احنا هنا مفيش بينا فرق اللي عندك عندي واللي عندي عندك.
ابتسمت لها فريدة وطلعت معاها وفي طريقهم قابلوا مصطفى وهو نازل من اوضته.
بص مصطفي ل فريدة وقال بدهشة ايه اللي بهدلها كده
ردت هنادي بابتسامة ست البنات كانت بتخبز معانا انا والحاجة.
بصتله فريدة واتكلمت بأمل هتقدر تعرف عنوان بابا خارج مصر او تجيب رقم تليفونه النهارده
رد مصطفى ان شاء الله ربنا يسهل.. انا بس هحتاج اعرف منك معلومات اكتر عن والدك عشان اقدر اوصله.
فريدة بحماس هقولك كل حاجة عن بابا.
اتكلمت هنادي وهي بتسحبها من ايديها خلو الكلام ده بعد ما تغيري هدومك ونفطر.
ضحك مصطفى ونزل عشان يصبح على والدته وفريدة طلعت مع هنادي عشان تغير.
كانت الحاجة ام مصطفى قاعدة تحت وبتسبح ربنا وفي ايديها سبحة المرحوم جوزها ومصطفى
مصطفى صباح الخير يا امي.
الحاجة صباح الخير والرضا ياولدي.
مصطفي بصلها بستغراب وقال شكلك مبسوطة النهارده يا امي وشك ماشاءالله منور.
ردت الحاجة وهي بتبتسم البنت دي فيها حاجة لله.. بتدخل القلب وتدخل الفرحة معاها.
مصطفى بستغراب قصدك مين يا امي
الحاجة فريدة.. حاسه
