رواية بغرامها متيم (كاملة حتي الفصل الاخير) بقلم فاطيما يوسف

أولى جامعة جميلة زيك وتنفع بردو 
شهقت شهقة عالية ثم صړخت بسبابها في وجهه 
أه ياسافل يامنحط انت عايز ايه بالظبط مني 
أطلق صفيره في أذنها بطريقة زادتها هلعا منه وأجابها 
أنا واضح جدا واللي عايزه منك قلته ومبحبش أعيد كلامي مرتين وبعدين يابيبي شغلي دماغك معايا هترتاحي وهتكسبي هتعاندي هزود طلباتي لحاجات متعجبكيش وبردوا هتنفذيها 

أدمعت عيناها وهي تستمع لما يقوله ثم همست له بنبرة خاڤتة 
طب اشمعنا أني اللي هتعمل وياها اكده وانت عارف اني مهنفعكش وكمان مش زي اللي عرفتهم قبل اكده يعني مش هتستفاد مني بحاجة واصل 
مين قال كده ده انت بيهم كلهم نوع جديد مختلف شرس متمرد نفسي اعيشه تلك الكلمات التى أطلقها من فمه جعلها اهتزت قلقا ثم طلبت منه 
طب عايزة وعد منك انه مجرد كلام وبس زي ماقلت 
لأول مرة يريح إحداهن ويطمئنه 
حاضر متقلقيش 
ألقى كلمته وأغلق الهاتف في وجهها فالبداية والنهاية دوما بيده وخيوط اللعبة دوما صاحب شباكها ورجع يحتسي ذاك النبيذ مرة أخرى وهو يضم ذاك الانتصار مع تلك الفريدة ضمن انتصاراته التى لم ولن تنتهي 
أما هي نظرت إلى السماء وظلت تردد كثيرا وكثيرا حتى شعر فمها بالتعب 
ربي اني مسني الضر وانت ارحم الراحمين لا اله الا انت سبحانك اني كنت من الظالمين 
في منزل آدم المنسي حيث كانت مكة تجلس في شرفة منزلها وهي تضع ذاك الأيباد أمامها وتجرى مكالمة الفيديو كول مع شقيقتها مها التى داعبتها 
وه الجواز باين عليك قووي يابت أبوي قال ايه مهتجوزهوش معايزهوش 
وأكملت بنفس دعابتها 
قال على رأي المثل نفسي فيه وأقول أخيه هههه ودلوك حامل منيه كمان الواد أدم دي ينضرب له تعظيم سلام والله من تحولك للدرجة دي قال وبقيتي تحطي ميكب وتسأليني عن أنواع الاسكين كير دي انت بقي عليكي رسمة عين اني مها ذات نفسها اللي عايشة في الميكب من زمان معملتهاش حلوة اكده ياقمرة انت
تلونت وجنتاي مكة باحمرار من تلميحات مها ثم هتفت بدعابة مصاحبة للخجل 
ابو شكلك هتكسفيني عاد يا ام الزين بطلي بقي طريقك كلامك داي 
ضحكت مها برقة ثم أكملت مشاغبتها 
وه هتتكسفي ياموكتي !
لاحظت خجلها يزداد فأكملت وهي تغير مجرى الحديث 
خلاص يابت أبوي متتلونيش من الخجل قولي لي بقي هتاجي مېتة اتوحشتك قوووي واتوحشت ريحتك وضمتك وصوتك وانت هتقرأي القرآن وامامتك ليا واحنا هنصلي قيام الليل سوا 
وبنبرة أشبه للحزن نظرا لحالة الوحدة التي تعيشها ومازال الحزن مسيطر عليها لفقدانها أولادها ولم تنسى بعد
بقيت بتوحشك انت والدكتورة سكون قوووي وحاسة اني من غيركم ضايعة خالص 
شعرت مكة بالحزن لأجلها ثم طمئنتها 
هاجي قريب ياحبيبتي لأنكم وحشتوني قوووي انتو كمان وفوق ماتتخيلي بيتنا وبلدنا وأوضتي ومصليتي ومصحفي وكل حاجة عنديكم هشتاق لريحتها على الاخر 
ثم وضعت يدها على بطنها وأخبرتها بما سيفرحها فهي أخذت وعد من والدتها أن لاتبلغ ايا من اختيها فهي تريد أن تفرحهم بنفسها 
هروح للدكتورة علشان تطمني على البيبي وأشوفها تسمح لي بالسفر ولا ايه 
تهللت معالم مها فرحا وسعادة وودت أن تكسر شاشة الهاتف كي ټحتضنها وتعبر لها عن مدى سعادتها بذاك الخبر لتبارك لها بسعادة
يا ماشاء الله يا ماشاء الله ياحبيبتي مبروك ياروحي ربي يكمل لك على خير يارب وتفرحي بيه أو بيها قدام عيونك وبين ايديكي 
واسترسلت حديثها وهي توعيها على حالها 
بس خلي بالك من حالك زين اطلعي السلالم بحساب وانزلي بحساب هفرح ماجدة بقي 
حكت مكة يدها برأسها وتمتمت 
له ماهي ماجدة عارفة 
وه وه منيكم بقي أني أخر من يعلم بقي 
جملة استفهامية نطقتها مها بحزن مصطنع وتابعت مكة مراضاتها
له والله اني لسه مبلغاها النهاردة الصبح وقلت لها متقولوكوش حاجة علشان أبلغك بنفسي وأعملها لك مفاجأة 
تهللت أساريرها فرحا وظلتا تتحدثان كثيرا بشغف أختين لم يرو بعضهن منذ كثير ثم استمعت مكة إلى صوت أقدام أدم يهبط الأدراج حتى وصل إليها مقبلا رأسها بحنو ثم دخل معها في المكالمة وهو يلقي سلامه على مها التى رددت بمشاغبة 
والله يابني نفسي أعمل لايف وياك واحنا قاعدين مع بعض اكده وأتفشخر على الناس إن انا أبقى قريبة النجم أدم المنسي وألم متابعين قد الدنيا وأبقى البلوجر أم الزين 
ثم حركت حاجبيها بعبث
وأكملت بنفس روح المرح التى حبذت الدلوف بها مع أخواتها 
تصدق مجاش في بالي فكرة البلوجر داي خالص والله لو عميلتها لاهطلع بلوجر قمرر قووي ايه رأيك يانجم ماتكسب فيا ثواب إحنا اخوات بردو 
تبسم أدم ضاحكا على دعابتها ولم تخلوا البسمة من على وجهه طيلة كلامها ومكة هي الأخرى منخرطة في الضحكات من كلام وحركات أختها ثم ردد بمشاغبة مماثلة مثلها 
اه ده انت داخلة على طمع بقي يامها هانم وعايزة تتشهري على حسي 
وماله يانجم الناس لبعضها وبعدين حطني على أول الطريق ومليكش صالح بيا بعد اكده وأني بعون الله هبهركم تلك الكلمات التى نطقتها مها بتفاخر مصطنع جعلت كلتاهما انهمرا في الضحك ثم رددت مكة بتحذير 
يختييي بلوجر مين والناس نايمين دول بقو زي الهم على القلب اللي عايزة تتشهر تطلع ترقص على أغاني مهببة تخلي جيل طالع لسه يقولها وراهم واللي تطلق تروح تتعرى وتقول حرية وتقعد تنزل فيديوهات عن جمالها وإنها بقت رشيقة بعد الطلاق وجمالها عدى الحدود وتنصح كل ست قال متضهدة زيها اتطلقي حبيبتي وعيشي حياتك ولا الترند الأخير البنت اللي ضړبت حماتها بسبب إنها متحكمة في قوتها وقوت بنتها وجوزها اللي نزل الفيديو وشهر بأمه ومراته على العلن وخلى سيرتهم على كل لسان وكأن الفضايح في الزمن دي هي اللي هتجيب فلوس وتغنيهم وميعرفوش إن مابني على باطل فهو باطل
حركت مها رأسها بأسى وانقلبت روح الدعابة والمرح إلى حزينة وهي تصدق على كلام أختها قائلة بحزن 
غلابة ميعرفوش إن الفلوس رزق وان الصحة رزق وان الولاد رزق وإن نعمة راحة البال رزق وان كنوز الدنيا متسواش مقابل لو مقفول عليا أني وبيتي وعيالي باب الستر لو هناكلها بعيش ودقة ميعرفوش إن حيطان البيوت مليانة بلاوي وان محدش في الدنيا مرتاح وان كلنا الهموم محاوطانا من كل مكان ميعرفوش غير اللي لابسة وخارجة ومتشيكة توبقى مفيش زيها ولا بتعرف تحزن ولا الحزن يفرق معاها أصلا 
أنهت كلماتها وهي تتذكر ولداها وقد التمعت عينيها بغشاوة الدموع فتحدثت مكة بتأثر 
بس بقي هتخليني أعيط وانت عارفاني عيوطة أصلا وبتأثر بسرعة 
هنا أشار إليهم آدم ناهيا إياهم 
بسسس انت وهي هتقلبوها نكد ليه احنا ملناش دعوة بالعالم دي خلونا مع نفسنا وكل واحد مسؤول عن عمله ولو يعرفو إن تمن الشهرة والمال اللي جنوه من وراها قد إيه أتفه مايكون من الإنسان يبقى طبيعي ويعيش طبيعي والله ما يكفي راحة البال والستر والصحة كنوز الدنيا بحالها
وظلا يتحدثون ويهون كلا منهم على الأخر ثم أغلقا الهاتف لأن موعدهم مع الطبيبة قد أتى 
بعد مرور نصف ساعة هبطت مكة بطلتها المحتشمة الراقية اللائقة بها مما جعل ذاك الآدم يطلق صفيرا عاليا يبدي به عن مدى إعجابه بطلتها المحببة لقلبه 
ابتسمت هي لطريقته تلك ثم أشارت إليه للمغادرة فخطى أمامها ثم مد يداه وعدل من نقابها وأنزل البيشة على عينيها وهو يهتف بنبرة تملؤها الغيرة 
خلى بالك بعد كدة يامكة قبل وشك مايبان عيونك قبلهم مش حابب حد يلمحهم ولا يتأملهم غيري 
اهتز داخلها فخرا بذاك الزوج الذي دوما يثبت لها أنها ملكته وملكه وأنها الأنثى المحظوظة دوما بأنه رجلها ثم ابتسمت له من تحت نقابها ومدت يدها له بسعادة فجذبها بين يداه وخرجا كي يستقلا السيارة 
بعد مرور نصف ساعة كانت مكة مستلقية على التخت أمام الطبيبة تفحصها ببراعة فقد انتقى أدم تلك الطبيبة نظرا لمهارتها وسمعتها المعروفة بأنها تفهم وتجيد مهنتها بجدارة 
ثم ابتسمت الطبيبة لهم وهي تشير بيدها على الجنين 
وزي مانتم شايفين دي راس الجنين ودي رجليه ودول عينيه والظاهر كده انهم هيطلعو بالألوان 
قالت الطبيبة كلمتها الأخيرة بمرح أدخل السرور على قلبهم ثم أسمعتهم دقات قلبه وفي تلك اللحظة أمسك آدم يد زوجته وضغط عليها بحنو ورغبة لأجمل احساس يشعر به أى أب وأم احساس لا يوصف من جمال رؤياه وهب الأخرى كانت متمسكة بيدة وتشدد عليها من فرط سعادتها وهي تسمع نبضات جنينها لأول مرة كانت تشعر بسعادة لايضاهيها سعادة العالم أجمع 
طمئنتهم الطبيبة ان الحمل على مايرام وأنها بصحة جيدة بعد أن فحصت جميع أعضائها الداخلية 
ثم سألتها مكة 
هو أني ممكن أسافر عادي أي مكان يعني وضعي أني والجنين يسمح لي أروح أزور أهلى وأطمن عليهم ولا له 
ابتسمت لها الطبيبة متسائلة هي الأخرى بذهول 
ايه ده هو انتي صعيدية 
حركت مكة رأسها للأمام بابتسامة فقالت الطبيبة بسعادة
ده على كدة الصعيد بيجيب بنات جميلة تبارك الله قووي كدة 
وأكملت وهي تشرح لها حالتها وتطمئنها 
شوفي يامدام مكة الرحم بتاعك من النوع القالبي يعني بقي يعني بيحفظ الجنين جواه بشكل رائع يعني قلب نفسه وبقي هو الدرع الآمن للجنين رحمك بردو من النوع اللي مش محتاج مثبتات ولا في خوف من أي حاجة يعني توكلي على الله وسافري الصعيد ومتنسيش تجيبي لنا الزيارة الجاية فطير مشلتت من حداكم هشتاق ليه قوووي 
ضحكت مكة على طريقتها وهي تتحدث بلهجتهم المحببة لقلبها ثم وعدتها 
من عيوني يادكتورة الزيارة الجاية هيكون عنديكي أحلي فطير مشلتت من يد ماجدة والدتي 
وضعت الطبيبة درع الفحص في مكانها ثم ناولتها المنديل الورقي كي تجفف الجل الموجود أسفل بطنها ساعدها زوجها الذي كان يستمع لحديثهم بسعادة لاتوصف ثم تحركوا ناحية الطبيبة وأدلت عليهم تعاليمها ومن أهمها 
مش هوصيكي الفيتامينات تتاخد في معادها وشرب اللبن مهم جدا
تمام يادكتورة متقلقيش انا اللي هباشر الحاجات دي بنفسي معاها كلمات مطمئنة نطقها أدم للطبيبة بمحبة ثم ودعاها بقلب سعيد لاطمئنانهم على جنينهم وهما يشعرون براحة نفسية لتلك الزيارة المحببة لقلبهم
كانت رحمة تجول حول نفسها پغضب ما إن علمت بتواجد تلك الرحمة في منزل زوجها وتأكل أظافرها غيظا وداخلها يكاد ينهار 
وهي تحدث حالها بهوجاء فتلك حالتها منذ أن وطئت قدماي تلك الشمس حياتهم 
يعني فاضل على فرحى عشر أيام واللي ماتتسمى داي تخرب عليا !
هي قاعدة في بيته وهما الاتنين أكيد بيسهرو يونسوا بعض وأني اهنه باكل في نفسي !
الله الوكيل ياماهر

لاأخليك تجن وتشت من اللي هعمله فيك انت والسلحفة داي 
فقامت بعمل مكالمة كي تتأكد من وجود ماهر في المكتب من احدي صديقاتها بذكاء وما إن علمت بوجوده هناك حتى حملت حقيبتها بطريقة هوجاء وصعدت سيارتها وتحركت حيث منزله بداخلها ينهرها عن انها لم ټنتقم من وجود تلك الشمس مع زوجها