رواية روفان وجلال (كاملة جميع الفصول) بقلم زهرة الربيع

غير الجبنه...ده انا لو في بيت عسكري مرور هلاقي اكل احسن من كده
روفان بصتلو بضيق وقالت...ده لاننا مش بناكل في البيت اصلا ..وبعدين انا بكلمك في ايه وانت في ايه
جلال بقى يطلع جبنه وزيتون وكده علشان ياكل وقال...جعان يا جدع فيها ايه لما اكل يعني هو الكلام هيطير
روفان بصتلو بزهول وقالت...جعان يا ايه..جدع..انت بتقولي انا يا جدع
جلال قال وهو بياكل بمنتهى الاستفزاز ..امال اقولك ايه بمنظرك ده...ده اخوكي فيه انوثه عليكي على الاقل شعره اصفر وعنيه ملونين..انتي ايه الي عملاه في شكلك ده ...ايه اللبس ده وفين شعرك يا اسطا بيومي
روفان كانت لابسه طاقيه مع طقم الشرطه الي لابساه وعامله شعرها تحت الطاقيه حطت ايدها على دماغها بزهول من كلامو وجلال كمل وقال ....لا ويقولولي بنت وكانت متجوزه وحامل كمان ...وضحك وقال..اهي حامل دي لوحدها عايزه معجزه الصراحه
روفات كانت بتسمعو بغيظ شديد وقالت...خلصت...خلينا في المهم بقى ..اظن يا استاذ جلال..انت ملكش دخل لا بلبسي ولا بحياتي الشخصيه..انت جاي تعمل شغل قصاد فلوس يعني اجير هنا فبلاش نحلو على بعض وخف استظراف وخلينا نتكلم جد شويه
جلال بصلها وقال بجديه..تمام...سامعك..لو عايزه تتكلمي جد..يبقى تسمعي الي بقولو بجديه كمان يعني انا قولتلك انا مبتهددش لو قولتيلي جوز امك رايس الجمهوريه مش هتفرق معايا ..باكل بره بصاره وهاكل جوه عدس فمش هتفرق معايا يعني لو عندك هوايه انك تهددي الي قدامك لاقي حد غيري
روفان ابتسمت بسخريه وقالت..لو فيه اي كلب من الشارع ينفع بدالك مكنتش استحملتك...على العموم..ندخل في المهم..انت اتفقت مع رائف على الفلوس الي هتاخدها مش كده..مبدأيا هتاخد ربع المبلغ وبعدين التكمله تمام
جلال قال....تمام..معنديش مشكله..احب اسمع مهمتي هتبقى ايه
روفان قالت...كل مهمتك مش هتكمل شهر ان شاء الله...يعني هتعمل انك جوزي رشيد العامري لمده اقل من شهر
جلال قال..تمام...اعمل كده معنديش مشكله بس هعمل جوزك قدام مين يعني
روفان قالت ..قدام اهلو اخوه واختو وامو
جلال شرق وشرب ميه بسرعه وقال..انتي بتقولي ايه...ازاي يعني اهلو وامه اعمل قدامهم اني ابنهم وهيصدقو انتي هبله
روفان اتنهدت پغضب وقالت..شوف يا جلال..رشيد جوزي الله يرحمو..فيه شبهه كبير منك..طبعا فيه شويه اختلافات احنا هنظبطها ..زي لون العنين والبشره وكده. ..لاكن سنك وجسمك وملامحك متطابقه معاه وعلشان كده رائف بقالو شهور بيتحايل عليك انت بالزات..وكمان هندفعلك المبلغ الكبير ده
جلال اتنهد وقال..يعني شبهي لدرجه متتكشفش ولا هنروح في كلبوش
روفان ضحكت بسخريه وقالت...مش دلوقتي مكنتش خاېف منو الكلبوش..على العموم..متخافش انا هظبط كل حاجه
جلال اتنهد وقال..طيب..انتي عامله الحوار ده كلو ليه..يعني اهل جوزك ازاي مش عارفين ان ابنهم ماټ
روفان اتنهدت وقالت...انا اتجوزت رشيد من ٣شهور واهلو مكانوش موافقين عليا او بمعني اصح اخوه الكبير عمران العمري هو الي مش موافق..ويوم الصباحيه كنا رايحين نعمل شهر العسل والعربيه اتقلبت بينا
جلال قال بسرعه..وشك حلو عليه..ها وبعدين
روفان اتغاظت منو بس كملت وقالت...انا طلعت بخير من الحاډث بس هو دخل في غيبوبه...بعدها فضل في الغيبوبه..لحد ما توفى من كام يوم ...انا ورائف خبينا موضوع مۏتو واتففنا مع الدكاتره يقولو انو مينفعش حد يشوفو لان حالتو حرجه ومنعينهم يدخلو عليه او يشفوه من بعيد
جلال قال باستغراب..مفهمتش برضو انتو عملتو كل ده ليه
روفان اتوترت وقالت...اه طبعا هقولك عملنا كده ليه...عملنا كده لان رائف شافك بالصدفه من فتره وقلي انك شبهو جدا فاول ما ماټ فكرنا فيك على طول ..احنا محتاجينك لان والدو ماټ بعد الحاډث بتاع ابنو
اخوه بقى مرضيش يعترف بجوازي من رشيد ولا باني حامل اصلا بيقول اني مش حامل من اخوه
جلال قال بشك..وهو بيقول كده ليه..هو انتي فعلا مش حامل من اخوه
بقلم...زهرة الربيع
روفان اتنهدت پخنقه وقالت..لا طبعا حامل من اخوه..هو بس مش عايز ابني يورث من ورث جدو...انا عيزاك بس تعمل انك رشيد وان رشيد لسه عايش لحد ما نخلص اجرائات الورث وبعد كده تروح لحالك وانا هتصرف
جلال وقف بقلق وقال..الموضوع شكلو كبير ..يعني انا هخلص اجرائات الورث على اني رشيد شخص مېت يعني تزوير و انتحال شخصيه و
روفان قاطعتو وقالت..متقلقش انا مسيطره على كل حاجه وهكون معاك المهم ان عمران يقتنع انك اخوه ها نقول دييل
جلال فكر شويه..واتنهد وقال