رواية المشوه (كاملة حتي الفصل الاخير) بقلم الشيماء محمد

هكون مرتاح فيها بعد اذنكم
هتمشي شويه
عم محمود بس خلي بالك في عيال صغيره في الشوارع
ادهم عيال صغيره
عم محمود هيخافو منك
ادهم بمرار مش همشي في وسط البلد انا عايز اشوف حدودها متخفش علي العيال الصغيره
سابهم وانسحب بهدوء
واول ما بعد أصواتهم كلها عليت
عم محمود لا استحاله ازاي هنستحمله هنا
مدير الشرطه همشيه حالا بس هاتولي بديل ليه!!! والله معروف عنه انه عمره ما فشل في اي مهمه
عم محمود ويفشل ازاي هو بس يطل بوشه ده واللي قدامه هيفتكره جن ولا شيطان هيستسلم علي طول
كل ده ادهم كان سامعه فبص للارض ورفع الزنط بتاع الجاكت بتاعه غطي راسه في طريقه

هو اتعود علي كل الصفات دي
مسخ. مشوه. جن. شيطان وكل الصفات السيئه اتوصفتله الكل بيحكم عليه من شكله
محدش ابدا حاول يعرفه كانسان علشان كده هو عزل نفسه عن الكل مش ذنبه انه اتشوه في حاډثه غيرت حياته من وهو عنده 14 سنه مش ذنبه ان ابوه كان بيكرهه وماصدق الحاډثه حصلت فطرده من بيته. مش ذنبه ابدا انه مسخ كده. مش ذنبه ان عمره ما حس بحب او حنيه من اي حد حتي امه محبتوش ولما ابوه طرده ما دافعتش عن ابنها
عايش لوحده وتقبل عيشته دي وتقبل شكله ووحدته وراضي بيها وبيساعد عن طريق شغله اي حد ضعيف او محتاج لمساعده لانه في يوم احتاج مساعده بس ما لقيش حد جنبه
الحلقه الثانيه
ادهم وهو بيتمشي وصل لمكان فاضي كده كله شجر وبس لاحظ ان البلد متحاوطه كلها بالشجر والنخيل اللي كانت مشهوره بيه
وكلها جناين وغيطان الفلاحين
والبلد في النص بالظبط قعد وسرح وافتكر الحاډثه اللي غيرت حياته او مغيرتهاش لانه حتي قبل الحاډثه مكنش محبوب في بيته
ورجع لذكرياته ل سنه لورا عمره حاليا 32 سنه والحاډثه حصلت وهو عنده 15 سنه
من 17 سنه
في اجازه الصيف وادهم لوحده في اوضته اللي مش مسموحله يخرج منها غير في اضيق الظروف وفي اخر الليل بالتحديد
دخل ابوه متنرفز عليه
الاب حسين طبعا سيادتك هنا نايم واخوك احمد بره والله اعلم جراله ايه
ادهم هو علي طول بيسهر مع اصحابه لوقت متأخر بره
حسين انت كمان بترد عليا قوم فز من مكانك وانزل دور عليه ومترجعش البيت من غيره اتفضل
ادهم قام ونزل وهو عارف ان اخوه سهران في نايت كلب مع اصحابه وزمانه سکړان ومش حاسس بالوقت بس طبعا هو ما يقدرش يقول لابوه أي شيء لانه ما بيصدقش اي شيء عن ابنه المبجل
راحله ادهم وفعلا لقاه سکړان وسنده ووصله لحد عربيته وطلب من اخوه احمد انه يسمحله يسوق العربيه هو او يروحو بتاكسي لانه سکړان
ادهم احمد هات المفاتيح وانا اسوق
احمد واخيرا الفرصه جاتلك تسوق عربيتي صح بس ده بعدك
كان بيتكلم وهو بيطوح
ادهم انت سکړان ومش هتعرف تسوق لو سمحت يا احمد طب بلاش تعال نركب تاكسي
احمد انا هسوق ولو مش عاجبك روح انت مشي
ادهم علشان ابوك يقولي سيبت اخوك اركب وربنا يستر
ساق احمد بسرعه مجنونه وادهم جمبه بيحاول يخليه يهدي بس احمد كان مچنون ومش حاسس بحاجه
خاف ادهم على اخوه وفك حزامه علشان يعرف يوصل لحزام اخوه علشان يربطهوله وربطله الحزام بس للاسف ملحقش يربط حزامه تاني لان في اللحظه دي احمد فقد السيطره علي العربيه والعربيه لفت بيهم وخبطت في عربيه نقل محمله الواح زجاج
وطبعا لان ادهم مش رابط حزامه فطار من العربيه من زجاجها القدماني اللي اتكسر ولبس في العربيه النقل ونزل وسط الزجاج اللي اتكسر كله حواليه وفوقه من الحاډثه
الناس وقفت وحاولو يطلعو احمد من العربيه لانها كانت بدات تولع وفعلا طلعوه وراحو لادهم كان القزاز مغطيه كله وتقريبا پينزف من كل حته حاولو يشدو بس كل ما بيحركوه القزاز بيدخل في جسمه اكتر ولو سابوه العربيتين لو واحده اڼفجرت التانيه ھتنفجر
فشدوه وطلعوه والقزاز في كل حته في جسمه واخيرا نقلوهم المستشفي
وهناك اتصلوا باهلهم
حسين اخد مراته حنان وراحو للمستشفي
وطلعوا للدكتور
حسين طمني ابني اخباره ايه
الدكتور هما اتنين مش واحد بس واحد فيهم حالته كويسه لانه كان رابط الحزام فيدوب خبطه بسيطه وضلع او اتنين مكسورين اما التاني هو اللي حالته صعبه لانه خرج بره العربيه ومن سوء حظه انه نزل في عربيه قزاز فده سببله چروح كتيره والمشكله الچروح اللي في وشه
اخدهم الدكتور عند ادهم لان حالته الخطيره واول ما شافوه
الاب ده اللي حالته خطيره
الدكتور ايوه الكبير حالته زي ما قلتلك كويسه
الاب ده مش مهم ولو ماټ يريح انا عايز اشوف ابني التاني
الدكتور بس ده اللي محتاجكم جنبه حاليا
الاب وانا بقولك عايز اشوف ابني
الدكتور اتفضل من هنا وخرج قدامهم
وقبل ما الاب يمشي وطي علي ادهم اللي كان سامع كل كلمه
الاب كده هتبقي مشوه علشان