رواية جنة النسر العاشق الفصل الاخير حصري بقلم زهرة الربيع
بإديكي تمسكيني وليكي تقربيني وبشفايفك تشربيني...واه لو تشربيني
جنه ارتبكت جامد وهو كان قريب منها قوي اديها اترعشت اندلقت الكبايه عليه وكانت سخنه
مجد صړخ وقال..اه..يخربيتك قولت تشربيني مش تسلوقيني
جنه ضحكت وقالت..معلش ...هو كده اخر المحڼ ..سخن...جنه كانت بتضحك عليه بس اختفت ابتسامتها واتنهدت بحزن وقالت..تفتكر الدكتور يكون كدب ليه يا مجد..مصلحتو ايه يقول عني حبله وانا محدش لمسني
مجد ارتبك وبلع ريقه بتوتر وقال..احم..طيب انتي ليه متحسبهاش من زاويه تانيه..انا..احم..انا عرفت من الخالة نعمه انك بيغمى عليكي اوقات..ممكن يكون حد استغل الموقف ده و
مجد نزل عيونه في الأرض وكان متمني يقولها ويخلص ضميره بس مش قادر يصدمها اكتر من كده ابتسم بالعافيه وقال..ايه رأيك تعتبريه كابوس وحش وخلص..وبصي للجانب الإجابي ...انا معاكي..رب ضارة نافعه..ولا ايه
مجد فضل يهزر ويضحكها وكانت بتضحك معاه من قلبها
صابر شافهم اتنرفز وندالو بصوت عالي
مجد استأذن من جنه وراحلو وهو مبسوط وقال..فيه حاجه ولا ايه
صابر شدو من ايدو ودخل بيه واحد من البيوت وقال پغضب هيه الخدمه خلصت جوه طلعت تكملها بره
مجد فهم قصدو واضايق وقال..البنت حاسه بالذنب بس لان كل ده بسببها وكانت بتساعدني مش اكتر ودلوقتي كنا بنتكلم عادي بلاش الدماغ المجنونه دي
صابر ابتسم بسخريه وقال پغضب ..اسمع يا ولد عمي..انت طيب وبتتخدع بالشكل..بس حابب اقولك..مفيش دخان من غير ڼار..البت حبلت من غير جواز عايز ايه تاني علشان تصدق انها عاطله
جنه كانت قاعده بتفكر في كلام مجد ومبسوطه جدا بتبص جمبها لمحت تليفونو...ابتسمت وقالت..نسي محموله..هروح اوديهوله
جنه راحت تودي التليفون وبقت تدور على مجد لحد ما مروه دلتها على مكانو وراحت توديلو التليفون بس كانت هتقع من طولها من الي سمعتو
بقلم...زهرة الربيع
صابر كان بيقول..ايه انت بتقول ايه..طه..طه يعمل كده..ازاي هو قلك
مجد اتنهد بحزن وقال..للاسف عمل واعترف قدامي ..والله يا صابر قال كده بالحرف الجبان ومن اول يومين قال لأمه..جنه اغمى عليها في الحوش بتاههم وهو كان سکړان واعتدى عليها..البنت بقت حامل من غير ما تفهم حاجه...انا قلبي بيتقطع عليها من ساعة ما عرفت
صابر حط ايده على راسو وقال بارتباك...اسمع..مدام طلع ۏسخ كده ممكن يدل ابوها على مكانكم..هو يعرف المكان وياما جيه
