رواية مكتوبة علي اسمي الفصل العاشر 10 بقلم ملك ابراهيم
انت في الصفحة 1 من 3 صفحات
هدية لمتابعيني
مكتوبة_على_إسمي
بقلمي_ملك_إبراهيم
تابعها امجد باهتمام وساب الورق اللي كان في ايديه وركز معاها وهي واقفه قدامه بتوتر وقالت بصوت رقيق السلام عليكم.
رد السلام عليها وهو بيقف من مكانه عليكم السلام ورحمة الله وبركاته.
آيات رفعت عينيها عن الأرض وبصتله بنظرة سريعه وخفضت عينيها تاني.
هاجر ابتسمت وقالت آيات يا ابيه اللي كلمتك عليها امبارح.
واتكلم معاها اشتغلتي قبل كده يا انسه آيات
ردت بتوتر للأسف دي أول مرة.
أمجد تمام يا انسه آيات انا اهم حاجة عندي هنا الالتزام يعني مش عشان آنتي صحبة هاجر انا هسامح في اي تقصير!
آيات بصت ل هاجر پخوف وهاجر ابتسمت وقالتلها بهمس مسموع ل امجد متقلقيش ابيه قلبه طيب بس هو في الشغل جد شويه.
ايات خرجت من المكتب مع السكرتيرة وهاجر قالت ل اخوها ايه رأيك يا ابيه في آيات.
ابتسم وقال متأكده انها صحبتك.. لأنها مختلفه عن اي صحبه ليكي شوفتها قبل كده.
ردت هاجر اصل آيات مش من القاهرة وهي بنت طيبه جدا وتستاهل اني اساعدها.
هاجر قامت وفتحت أيديها وقالت بهزار طب فين عمولتي مش انا جبتلك موظفه جديدة.
امجد بصلها بطرف عينيه وهاجر قالت وهي بتجري من أوضة المكتب انا راجعه البيت يا ابيه اقول ل ماما تعملك غدا ايه النهارده.
بصلها ومردش عليها وهاجر خرجت بسرعه وقفلت الباب وراها وامجد بص قدامه وابتسم و ردد اسم آيات بإعجاب.
في البلد عند اهل آيات.
وصل عامر البلد وكأن السنين بتتعاد من تاني وافتكر كل اللي حصل في اليوم ده.. بس البلد اتغيرت كتير والبيوت اتغيرت.. همس لنفسه وأكيد البنت هي كمان كبرت واتغيرت.. ياتري هقدر اقولها اني هدفعلها تعويض على ال سنين اللي ضاعوا من عمرها وهي مستنياني ارجع!
شاور لواحد من رجالته وقاله يروح يسأل عن بيت الحاج عرفان او الحاج إسماعيل اخوه.
الحارس اتحرك بسرعه وقرب من راجل كان واقف قدام بيته وسأله لو سمحت يا حاج هو بيت الحاج عرفان فين
رد الرجل الله يرحمه.. لو جاين تعزوا اخوه الحاج إسماعيل هو بيستقبل العزا في داره.
الرجل البيت الكبير اللي هناك ده.
الحارس شكر الرجل ورجع بسرعه ل عامر ووقف قدامه باحترام وقاله الحاج عرفان الله يرحمه والحاج إسماعيل اخوه بياخد العزا في داره وداره البيت الكبير اللي في اخر الشارع.
عامر سمع الكلام پصدمة وبص للمحامي والمحامي هز راسه بقلة حيلة لان كده الموضوع بقى اصعب..
