رواية مكتوبة علي اسمي الفصل الثالث عشر 13 بقلم ملك ابراهيم

المحضر.
عامر كان قاعد في غرفة الظابط ومش بيفكر غير في البنت اللي شبه الصورة اللي معاه وكان عايز يعرف اسمها عشان يتأكد من شكوكه!
البنات دخلوا وميرنا وكوكو صاحبها. 
آيات بصتله پغضب والظابط قال بنبرة صارمة انا هعمل محضر صلح وكلكم تروحوا ي اما هتباتوا معانا الليلة في الحبس قولتوا ايه
كل البنات قالوا لا حبس لا احنا موافقين على الصلح.
وميرنا ردت بكبرياء وانا مش موافقة والبنات البيئة دول لازم يتسجنوا مع الاشكال اللي شباهم.
امجد بصلها پغضب وعامر زعق فيها وقالها ميرنا مش عايز اسمع صوتك لحد ما نخرج من هنا.. والمفروض تشكريهم لانهم لو رفضوا الصلح انتي اللي هتتسجني مش هما!
ميرنا بصتله بغيظ والظابط قال للبنات انا هكتب محضر الصلح وهتوقعوا كلكم عليه.
كلهم وقفوا ساكتين والظابط كان بيكتب المحضر و عامر مركز بالنظر مع آيات بطريقة ملفته وكل البنات لاحظوا نظراته ليها وآيات كانت متوتره من نظراته وخفضت وشها بارتباك وهي مش فاهمه هو ليه مركز معاها كده!!
آيات هزت راسها وقالت لا انا كويسه الحمدلله.
امجد بص ل آيات وقالها اقعدي انتي ارتاحي يا آيات.
يا الله.. نفس الشكل ونفس الاسم!! عامر اټصدم لما اتأكد من شكوكه وسمع اسمها!! آيااات.. هي نفس الصورة اللي معاه ونفس الأسم اللي يعرفه.. معقول هي مراته!! طب ازاي!! إزاي وصلت هنا وازاي عرفت البنات دول وامجد عرفها أمتى وازاي!! كان مصډوم وعايز يقرب منها ويسألها ويتأكد بنفسه انها هي..! بس هيقولها ايه وهيقول ل كل الموجودين دول ايه!! كان في موقف صعب ومش قادر يسألها ومش هيقدر يتجاهل انها ممكن تكون مراته ويضيع الفرصه دي لانه احتمال ميعرفش يوصلها تاني!
وقفت هاجر قدام اخوها وقالتله ابيه احنا هنوصل البنات ازاي اكيد مش هنسيبهم يروحوا لوحدهم.
امجد هز راسه بالايجاب وقالها انا هوصلهم متقلقيش.
ووقف قدام عامر وقاله تمام يا عامر خلينا بكره ان شاء الله نتكلم ونخلص الموضوع ده مع بعض.
عامر كان بيبص علي آيات وقاله انا تحت امركم في اي حاجة يا امجد.
اتكلمت ميرنا بملل انا عايزة ارجع البيت زهقت.
عامر بصلها پغضب وامجد اتكلم خلاص يا عامر نتكلم بكره.
واخد امجد البنات وخرج من القسم وعامر مش قادر يضيع الفرصة دي وخرج وراهم