رواية يوسف وملك (كاملة جميع الفصول) بقلم مجهول

* لبست ونزلت مع هدى... جبنا حاجات لشقتها هي ويوسف.... اتفاجأت لما لاقيته جه معانا... كانوا حلوين اوي مع بعض.... انا مقدرش اكون السبب في تفريقهم ابدا... حتى لو كنت بمoت مش هسمح ابدا انهم يبعدوا عن بعض بسببي...

هدى: كفاية كده النهاردة... جبنا حاجات كتير اوي

ملك: ايوا نكمل بكرا بقى وهاجي معاكي بردو

- معلش تعبتك معايا يا ملك

- بت متقوليش كده هزعل منك

ابتسمت.. - حبيبيي والله...طب بقولك كنت عايزة اجي اسلم ع مامتك عشان وحشاني اوي

- تعالي طبعا... انتِ كمان وحشاها وكانت لسه بتسألني عليكي

- طب هقول ليوسف يروح هو وهاجي معاكي

- تمام..

* روحنا البيت عندي... قعدنا انا وهدى وماما... هدى اتغدت عندنا وقضينا اليوم مع بعض.... هدى بالنسبالي اكتر من اختي... كل اما بشوف طريقتها الحلوة معايا بحس بالزنب اكتر....انا عارفة انه مش بمزاجي بس حقيقي اصعب احساس ممكن حد يحسه في حياته.

ملك: تعالي يا هدى معايا الاوضة عايزة اوريكي دريس لسه شرياه امبارح عشان حنتك

- بجد... وريني بسرعه.. 

- اهووو

- الله... حلو اووي يا ملك... احلى من بتاعي انا شخصيا

- ما لازم صاحبة العروسة تبقى احلى من العروسة يا بنتي

- اومااال

ضحكنا.. - ربنا يفرحك دايما يا قلبي... ان شاء الله هتكوني احلى عروسة في الدنيا

- ان شاء الله يا حبيبتي... عقبالك يارب ما تبقى عروسة قمر كده

- يارب... هروح اعملنا شاي وآجي

- ماشي.. 

* فجأه عيني دمعت.... حسيت بۏجع في قلبي.... نفسي اخلص من الاحساس ده بقى....

عملت شاي ودخلت الاوضة.... لاقيت هدى واقفة ومعاها.... مذكراتي! 

- انتِ ازاي تعملي فيا كده؟! 

*يتبع

لن_نفترق 💖

بقلم حنين_حاتم

الجزء الثاني ولاخير

- انتِ ازاي تعملي فيا كده؟

- هدى... والله كنت بحبه من زمان... من قبل ما يخطبك يا هدى والله

- طب ومقولتليش ليه يا ملك ليييه