رواية مكتوبة علي اسمي " الفصل الثامن والأربعون 48" بقلم ملك ابراهيم
انت في الصفحة 5 من 5 صفحات
عليه من غير ولا غلطه.
كوكو هنفذ بس تشتريلي كاميرا جديدة عشان أتصور بيها هناك.
عامر زفر بضيق هشتريلك بس إسمعني.
كوكو بص قدامه وهو بيتخيل نفسه هناك وقال رأيك البس ايه وانا رايح هناك.. انا كده هحتاج اشتري لبس جديد.
عامر بعصبية على فكرة انت لو مركزتش معايا دلوقتي حالا هقوم امشي ومفيش سفر.
كوكو بلهفة خلاص يا عامر هركز أهو بس عايزك تحجزلي التذكرة بتاعي في اول الطيارة.
كوكو حاضر اتكلم.
عامر اسمعني بقى كويس.
رواية مكتوبة على إسمي بقلمي ملك إبراهيم.
بعد ساعتين.
في بيت عزيز.
نزلت ميرنا علي الدرج تستقبل كوكو بعد ما كلمها وقالها انه جاي يفطر معاها.
ميرنا طنط ميسرة مش هنا وبابا خرج من بدري عشان عنده شغله.
كوكو هو عزيز بيعرف يشتغل!!
ميرنا بعتاب كوكو عيب كده ده بابا.
كوكو خلاص يا ميرو انسي.. بقولك ايه انا جالي فرصة سفر ل باريس هحضر أسبوع الموضة هناك.
ميرنا بحماس بجد يا كوكو.. وجاتلك ازاي الفرصة دي.. انا عايزة اسافر معاك.
ميرنا بس انت جبت فلوس منين!
كوكو اصحابي عزموني معاهم.. ايه رأيك اكلمهم واقولهم يعزموكي انتي كمان.. وهنسافر ونخرج ونعمل كل اللي احنا عايزنه هناك وهما اللي هيدفعوا.
ميرنا بحماس معقول يا كوكو.. مين أصحابك دول هو انا اعرفهم
كوكو انتي متعرفيش غير الفقرا اللي زيك يا ميرو.. بس انا أصحابي كلهم اغنيا ومعاهم فلوس.
كوكو انا عايزك تسافري معايا يا ميرو عشان كده جتلك دلوقتي.. عايزك تيجي معايا نروح ل اصحابي واقولهم انك صحبتي ولازم تسافري معانا.
ميرنا تفتكر هيوافقوا! ولو وافقوا.. بابا اكيد مش هيوافق لانه محتاجني هنا معاه الفترة دي.
كوكو محتاجك في ايه يعني!! احنا هنروح اسبوعين جازة.
قاطعتها واحدة من الخدم لما قربت منها وقالتلها الهانم رافضه تاكل برضه.
ميرنا اتوترت وكوكو سألها باهتمام هانم مين مش انتي قولتي ان ميسرة مش هنا!
ميرنا بصت ل كوكو بتوتر وقالت للخادمة روحي انتي شوفي شغلك.
وبصت ل كوكو وقالتله خلينا في موضوعنا.. انا هقوم البس بسرعة واجي معاك نروح ل أصحابك قبل ما بابا يرجع.
بعد وقت قليل ميرنا خرجت مع كوكو من البيت وكان عامر واقف بعربيته خلف بيت عزيز واول لما كوكو اخد ميرنا وخرجوا من البيت عامر اتحرك بعربيته ووقف قدام بيت عزيز هو والحرس اللي معاه ونزل من العربية ودخلوا البيت.
الخدم عارفين ان عامر ابن ميسرة صحبة البيت وفتحوا له البيت بترحاب وعامر دخل هو والحرس اللي معاه وفتح غرف البيت كلها وكان بيدور على حاجة لحد ما فتح غرفة ووقف مصډوم اول لما شاف... بقلمي ملك إبراهيم.
... يتبع
أكيد عرفتوا عامر شاف ايه توقعاتكم ومتنسوش التفاعل عايزة الكل يتفاعل عشان اعرف عدد متابعين الرواية عندي
