رواية زوجتي وساحرتي (كاملة جميع الفصول) بقلم الكاتبة زهرة الربيع

البيه حفيدك مش راضي وانا جبت اخري معاه يا خاله لو مدخلتش انهارده منيش قعدالكم فيها
ده مش راضي يجي عندي خالص وكل يوم حجه انا مش بايره علشان اتجوز جوازه كده
وقفت ست في ال٧٠ على عكاز وقالت..اهدي يا بتي الكلام اخد وعطا
قالت پغضب ..مههداش يا خالتي ولازم توصليلو كده انا مش هتحملو اكتر وبصت بطرف عينها بقرف لبنت جميله واقفه معاهم وقالت...قاعدلي في حضڼ الهانم زي ما تكون هيه مرتو وانا مر في حلقو..انا خلاص هتجنن منو

قالت كده ومشيت والست الكبيره بصت للبنت وقالت...ايه يا ست سحر ان شاء الله مبسوطه بكلام ضرتك
سحر اتنهدت پخنقه وقالت..قولتلك يا تيته انا مليش دخل هو الي مش راضي يروحلها و
قالت پغضب..اولا انا مش تيته يا اختي واعدلي لسانك يا بت صبحي وقولي يا جدتي مش عيشتك في بحري هتنسيكي اولك واخرك..تاني حاجه البيه جوزك لازم يفهم انها هيه كمان مرته وليها حقوق...وانتي ياختي الي رافضه نصيبك في الحقوق دي فسيبي غيرك يتهنى
سحر نفخت بغيظ وطلعت على اوضتها پغضب شديد 
ولسه هتدخل اوضتها وداد مسكت ايدها پغضب وقالت...استني هنه يا حلتها
سحر دفعت ايدها وقالت بقرف..من غير لمس بس علشان بقرف
وداد بصتلها من فوق لتحت بغيظ وقالت..انتي اكيد سحرالو يا بت ها..سحرالو عند مين انطقي
سحر ضحكت بقوه وقالت..يا حرام انتي وصلتي للمراحل دي ..على العموم يا قلبي هديكي نصيحه الحب مش بالعافيه عمره ما كان كده ولا هيكون
وداد قربت منها وقالت بتحدي...لا هيكون يا سحر واستنيني انهارده هوريكي بعينك كيف جوزي حبيبي هيكون بين اديا وقدام عنيكي...استنيني انهارده يا سحر
قالت كده ودخلت على اوضتها وسحر بصت لطيفها بقرف وقالت..ربنا يبتليكي بجوز عقارب يكون عندهم زهايمر يا بعيده وينسو انك من نفس الفصيله ويجيبو اجلك قادر يا رب
بعد شويه وصل شاب في التلاتين بطله قويه وقرب باس ايد جدتو وقال..مساء الخير يا ست الكل
جدته قالت بضيق..مسا النور يا ناجي.. رجعت بدري يعني
ناجي قال بسرعه..مكانش فيه شغل كتير امال فين سحر
جدته قالت بضيق في اوضتها..مهتسألش على وداد ليه