رواية انا لها شمس( الحلقة الخامس والأربعون 45) حصري بقلم روز امين
انت في الصفحة 7 من 7 صفحات
لتنيرها وتجعلها أكثر إشراقا وصل لوجهتها ليرفع كفها يقبله وهو يتطلع عليها باشتياق جارف وعينين تكاد لشدة تحدث امام عينيها
زي القمر يا قلبي مع إني طلبت من خبيرة التجميل تحط لك ميك اب خفيف جدا إلا إنه أضاف لك جمال على جمالك
نطقت بسعادة وهي تتعمق بمقلتيه
وحشتني حاسة إني بعيدة عنك ليا أيام مش مجرد كام ساعة
نفس اللي حصل لي يا حبيبي البيت وحش قوي من غيرك يا إيثار الكام ساعة اللي قعدتهم فيه من غيرك حسسوني قد إيه وجودك بقى أهم من الهوا اللي بتنفسه
ابتسمت وظهر الحبور بعينيها لينطق بحدة وكأنه تحول لأخر
بس إعملي حسابك يا هانم دي أخر مرة هتلبسي فيها برة أوضة النوم فاهمة ولا لا
ده على أساس إن أنا اللي اختارت موديل الفستان ولونه!
غبي...نطقها بحدة ليسترسل والغيرة تنهش بقلبه بظهورها بكل هذا السحر والجمال
أنا بعترف إني أغبى واحد في الكون
وتابع بغيظ من بين أسنانه
بس بسيطة محدش بيتعلم ببلاش
نطقت بعينين تهيم غراما
هو للدرجة دي أنا حلوة في عيون حبيبي
إنت حلوة في عيون حبيبك في كل حالاتك يا قلب حبيبك
تحبوا أجيب لكم إتنين ليمون وشجرة...جملة قالتها فريال التي تسحبت لتتسمع عليهما من الخلف لينتفض على إثرها العاشقان مما جعل إيثار تنطق برجفة
حرام عليك يا فريال فزعتيني ورعبتي ولاد أخوك
كله إلا ولاد أخويا...قالتها وهي تتحسس بطنها يدها بحدة ترجع لغيرته قبل أن ينطق بغيرة
نطقت وهي ترفع كفيها للأعلى باستسلام بطريقة كوميدية
خلاص خلاص متزعلش نسيت إن الباشا بيغير
لتتابع متعجبة
أنا مش عارفة الغيرة الفظيعة اللي طرأت على شخصيتك دي من إمتى والباشا بيغير كده!
م كده يا حبيبي
بادلها نظراتها الولهة ليؤكد على حديثها
نطقت فريال وهي تتطلع على نظراتهم المغرمة
وربنا لتفضحونا النهاردة أنا رايحة أقعد جنب جوزي قبل ما تتهوروا وأروح أنا في الرجلين
استلم العريس عروسه وتم عقد القران لتنطلق الزغاريد والمباركات وتبدأ الرقصة الاولى تحركت إيثار بجانب زوجها لتقوم بالترحاب بهما بجانب أيمن ونيللي جلست بجوار فؤاد ليسألها علام بعد انسحاب أيمن وزوجته
أجابته بممازحة لذاك الخلوق
أحفادك مش مبطلين ترفيس في جنبي سعادتك ماشاء الله عليهم شكل الولد هيطلع مو صلاح التاني وأخته هتطلع بطلة جمباز
نطقت عصمت على عجالة
قولي الله أكبر يا إيثار ما يحسد المال إلا أصحابه
سأل ماجد فؤاد
هو إنتوا لسة ما اختارتوش أسماء البيبهات ولا إيه يا سيادة المستشار!
تطلع على عيناي حبيبته لينطق بسعادة
إخترناهم خلاص يا دكتور
نطقت فريال باستهجان
من ورايا!
واسترسلت بمشاكسة
أنا ملاحظة إن من يوم ما إنتقلنا على بيتنا أنا وماجد وفيه شغل كتير بيحصل من ورا ظهرنا ولا إيه يا ست ماما
ضحك الجميع لتجيبها عصمت بصدق تجنبا لحزن نجلتها
صدقيني أنا إتفاجأت بالكلام زيي زيك بالظبط ولا أعرف الاسماء لحد الوقت
نطق فؤاد لارضاء شقيقته
محدش لسه عرف يا فيري أنا وإيثار إخترناهم بالليل ولسه مبلغناش حتى الباشا
نطق علام بعدما فقد القدرة على الصبر
طب إتفضل نور المحكمة ولا هنفضل في حالة الساسبنس كده كتير
ضحك. فؤاد قبل أن يقول
إن شاءالله زين
الدين فؤاد علام زين الدين وتاج فؤاد علام زين الدين.
نزل الخبر على قلب علام كغيث هطل على قطعة أرض متشققة من شدة العطش ليرويها وينعشها وتدب بها الروح من جديد ربتت عصمت على كف زوجها الذي نظر عليها بسعادة تلقى الزوجين التهنئة من الجميع الذي أجمعوا على حسن إختيار الأسمين.
بعد قليل صعد الجميع ليرقصا معا رقصة الثنائيات وصعد أيضا يوسف الذي ارتدى بدلة كاملة وبيسان حيث ترتدي ثوبا منفوش كثوب العروس ليرقصا ويمرحا معا بعد أن قدما التهنأة للعروسان كان زفافا حقا رائعا سعد به الجميع عدا تلك ال سالي التي ملئ الحقد قلبها من ناحية إيثار.
عادت مع زوجها لتلج إلى الحمام وتغطس بجسدها في الماء كي تريح جسدها المنهك وبعد مده خرجت لتجد حبيبها بانتظارها وقد أشعل بعض الشموع ذات الروائح العطرة ليخلق أجواءا رومانسية وأيضا شغل موسيقى هادئة كي تساعد حبيبته على الاسترخاء إقترب عليها لينحني بطوله الفارع حتى وضع كف يده على بطنها ليتحدث إلى جنينيه بقلب يرتجف فرحا
حبايب بابي اللي وحشوه طول اليوم
وكأن الصغيرين استمعا لصوته الرنان ليتحركا تحت كفيه مما جعل قلب ذاك الحنون ينتفض فرحا وسعادة لينطق بصوت يكسوه الحبور الشديد
دول سمعوني وبيردوا عليا يا إيثار ولادي عارفين صوتي وبيحسوا بيا
تلمست شعر رأسه بحنان لتنطق بنبرة سعيدة لأجله ة
كانت تستمع إلى كلماته وكأنها تستمع إلى عزف رائع على البيانوا ت
أخذت نفسا عميقا قبل أن تنطق بصوت جاد
فؤاد أنا عاوزة أروح كفر الشيخ
زفر وهو يقلب عينيه بضجر لينطق بصوت حاد
صباح الهرمونات والجنان الرسمي
تطلعت بعينيه وابتلعت ريقها قبل أن تقول بتأثر
أنا مبهزرش يا فؤاد أنا عاوزة أزور قبر بابا وأسد الدين اللي عليا
ضيق بين عينيه ليسألها مستفسرا
دين إيه ده اللي عليك يا إيثار!
طالعته بتأثر قبل أن تنطق.....
إنتهى الفصل
أنا_لها_شمس
بقلمي روز أمين
