رواية اسكن انت وزوجك الفصل السادس كامل بقلم اية العربي

بسم الله ولا حول ولا قوة الا بالله العلي العظيم
ولقد نعلم أنك يضيق صدرك بما يقولون فسبح بحمد ربك وكن من الساجدين واعبد ربك حتى يأتيك اليقين .
من رواية أسكن أنت وزوجك 
بقلم آية العربي
قراءة ممتعة
يمكن  الاولى ان تؤلم روحك قليلا
ولكن احذر من الثانية التى تؤلم
صباحا تجمعت العائلة حول مائدة الفطور .

كان زين يتناول فطوره بملامح قاتمة وعبد الرحمن يطالعه بتعجب فهو لم يعتاد يوميا على شقيقه هكذا ... بينما رابحة تسترق له النظرات المتفحصة تتمنى معرفة سبب طلاقه لعليا ولكنها تنتظر هدوؤه قليلا وكالعادة شهد تتابع بصمت وسكون .
اردف عبد الرحمن بترقب _ زين ! ... ايه رأيك نطلع رحلة الاسبوع ده نغير جو وتروج دمك .... وانى هجول لمهرة تيجي معانا !.
ترك طعامه ونظر لشقيقه بعمق ثم اردف بجمود _ كمل وكلك علشان تيجي معايا ع الشركة ... بلا رحلة بلا كلام ماسخ ... وغير طريقتك المدلوجة دى مع مرتك .... خليك جوى وانشف شوية .
تعجب عبد الرحمن من حديثه وطالعه بذهول بينما اردفت رابحة مؤيدة _ صح يا ولدى ... جوله ... لازم الراجل يكون جوى لاجل من مرته تخاف منيه وتعمله الف حساب . 
قالت الاخيرة وهى تطالع عبد الرحمن الذى طالعهما بضيق ولف نظره الى شقيقه يردف بتمعن وتعجب _ من ميتى وانت أكدة يا زين !! ... ومن أمتى كانت الرجولة في اننا نجسى على اللي اضعف منينا !! ... مهرة هتبجى مرتى واسمها على اسمى وعلاجتنا هتكون مبنية على الحب والاحترام ... بعيد عن الجسوة والقوة بتاعتكوا ... عن اذنكوا .
انهى طعامه ووقف يخطى للخارج تحت انظار رابحة المترقبة والغاضبة من حديثه بينما اكمل زين طعامه ببرود كأن شيئا لم يكن ... على عكس داخله التى بعثرته كلمات شقيقه وتسائل ... ترى هل اخطأت في تلك العلاقة 
في منزل عزيز الجابري الذى يجلس مع زوجته وبناته يردف پغضب _ شوفتى عاد !! .. اللى جولته حصل ومحدش جه من عنديهم ولا عبروا ... انى كان لازم اروح بليل واعرف ايه اللى حصل وكيف يعمل في بتى أكدة ! ... هو فاكر نفسه كبير ولا ايه !!
اردفت عليا بخبث وحزن كاذب _ مجولتلك يا ابوي ... كل ده علشان كنت عتكلم مع اسماء وفضفض شوية  ليه وليه جبت سيرته ف الحديت ... شدينا جصاد بعض ف الكلام وحصل اللى حصل .
نظرت لها اسماء پغضب وضيق والتزمت الصمت بينما اردفت زوجته _ طب ايه رأيك لو تجوم تروحلهم دلوك ! ... وتشوف يمكن الامور تكون راجت شوية ويردها ... واهو ياما بيحصل بين الراجل ومرته .
نظر لزوجته بعمق ثم نظر لابنته التى اردفت بتوتر _ لاه يا ابوي ... متروحش هناك ... مرت عمى هتسم بدك بالحديت ... انى خلاص مش رايداه ولا رايدة ارجعله واصل .
وقف على حاله واردف بجمود _ اكتمى يابت ... معنديناش بنات تطلج ... انى جعدت لما الامور تهدى شوية  ودلوج انى هروح واتحدت وياهم ونحل المسألة دي بجى .
تحرك من مكانه للخارج وتتبعت هي اثره بقلق بينما وقفت والدتها تردف بتروى _ فكرى زين يا عليا يا بتى معينفعش تطلجى إكدة وانتى بجالك كام شهرين او تلاتة متجوزة ... وبعدين ده ابن عمك وإهنة الناس معترحمش يا بتى .
ربتت على كفها وغادرت